صدر مملکت عارف علوی نے دماغی صحت کے عالمی دن کے مناسبت سے پیغام جاری کیا ہے جس میں انہوں نے ڈپریشن کا شکار لوگوں کی حوصلہ افزائی کی ہے۔
صدر مملکت ڈاکٹر عارف علوی نے دماغی صحت کے بارے میں شعور اجاگر کرنے کی ضرورت پر زور دیتے ہوئے کہا ہے کہ ڈپریشن اور ذہنی دباﺅ سے دماغی صحت پر منفی اثرات مرتب ہوتے ہیں۔
انہوں نے اپنے ٹوئٹ میں کہا کہ ڈپریشن کا شکار افراد سے امتیازی سلوک کرنا درست نہیں۔
صدرِ مملکت نے ڈپریشن کا شکار افراد کی حوصلہ افزائی کرتے ہوئے لکھا کہ ’ڈپریشن سے جنگ لڑنے والے ثابت قدم رہیں کیونکہ آپ ایک دن اسے شکست دینے میں کامیاب ہوجائیں گے۔‘