ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز کی تنظیم نے جیو نیوز کے رپورٹر علی عمران سید کے لاپتہ ہونے پر سخت تشویش کا اظہار کیا ہے۔
تنظیم نے کہا کہ 12 گھنٹوں سے زائد وقت گزرنے کے باوجود علی عمران کا اہل خانہ سے کوئی رابطہ نہیں ہوسکا ہے۔
ایسوسی ایشن نے صوبائی حکومت، وفاقی حکومت اور تمام سیکیورٹی اور قانون نافذ کرنے والے اداروں سے مطالبہ ہے کہ علی عمران کی گمشدگی کا فوری نوٹس لیں ۔
تنظیم کا مزید کہنا تھا کہ صحافیوں کو تحفظ فراہم کیے بغیر میڈیا کی آزادی کا حصول ناممکن ہے۔