کورونا وائرس کی ایس او پیز پر عمل کرنے میں حکومتی رہنماؤں عمران اسماعیل اور اسد عمر کی بے احتیاطی نظر آئی۔
کراچی میں دونوں رہنماؤں نے پریس کانفرنس کا آغاز تو ماسک لگا کر کیا، پر میڈیا سے سوال و جواب کے دوران ماسک لگانا بھول گئے۔
کافی دیر تک دونوں ایک دوسرے کے قریب قریب ماسک کے بغیر بیٹھے رہے۔
گورنر سندھ عمران اسماعیل اور اسد عمر کو سوشل میڈیا پر لوگوں نے تنقید کا نشانہ بناتے ہوئے کہا کہ احتیاط سب کے لیے ضروری ہے اور حکومتی نمائندوں کے لیے زیادہ ضروری ہے تاکہ لوگوں کو نصیحت حاصل ہو۔