وزیر ہاؤسنگ پنجاب میاں محمود الرشید کا کہنا ہے کہ اہل لاہور سنجیدگی کا مظاہرہ کرتے ہوئے 13 دسمبر کو جلسے کا بائیکاٹ کریں گے، پی ڈی ایم کی اچھل کود کے باوجود لاہور ٹھنڈا ٹھار ہے۔
لاہور میں پریس کانفرنس کرتے ہوئے میاں محمود الرشید کا کہنا تھا کہ کورونا وائرس کی صورت حال کے باوجود جلسہ کرنا اہل لاہور کو موت کے منہ میں دھکیلنے کے مترادف ہے۔
انہوں نے کہاکہ پی ڈی ایم جماعتوں میں تضاد لاہور جلسے کے بعد کھل کے سامنے آ جائے گا، جلد ہی پی ڈی ایم کی دال جوتوں میں بٹے گی۔
محمود الرشید کا کہنا تھا کہ اپوزیشن سینٹ انتخابات سبوتاژ کرنا چاہتی ہے، آئیڈیل سول ملٹری تعلقات کی وجہ سے ملک ترقی کر رہا ہے۔