انگلینڈ کے چیف میڈیکل آفیسر پروفیسر کرس وٹی نے انتباہ کرتے ہوئے کہا ہے کہ کورونا سےمتعلق آئندہ چند ہفتے انتہائی خطرناک ہوں گے۔
لندن سے جاری اپنے بیان میں انہوں نے کہا کہ لوگ غیر ضروری رابطے کم سے کم کردیں۔ کرس وٹی نے مزید کہا کہ انگلینڈ میں رواں ہفتے 7 نئے مراکز میں لاکھوں افراد کو ویکسین لگائی جائےگی۔
برطانوی حکومت نے فروری کے وسط تک 15 لاکھ افراد کو ویکسین لگانے کا ہدف مقرر کیا ہے۔
کرس وٹی نے کہا کہ انگلینڈ کے اسپتالوں میں کوویڈ کے 30 ہزار سے زائد مریض داخل ہیں۔
میڈیا رپورٹ کے مطابق کورونا سے شدید متاثر سرے میں مردہ خانوں میں جگہ ختم ہوگئی ہے۔ اور عارضی جگہ پر 200 میتیں رکھی گئی ہیں۔