سفید مرچ تقریباََ ہر باورچی خانے میں پائی جاتی ہے کیونکہ یہ ہمارے کھانوں میں ایک خاص ذائقہ ڈالتی ہے لیکن یہ مرچ ذائقہ دینے کے ساتھ ہی ہمیں صحت سے متعلق کئی حیرت انگیز فوائد بھی فراہم کرتی ہے۔
ہاضمے کی دشواریوں، دانتوں کے مسائل،وزن میں کمی، سر درد، نزلہ اور کھانسی کی افادیت میں مدد کرنے سے لے کر، سفید مرچ صحت کے دیگر فوائد کا ذخیرہ ہے۔
کالی مرچ اور سفید مرچ دونوں ہی صحت کے لیے بہتر ہیں لیکن سفید مرچ میں کچھ خصوصیات موجود ہیں جو اسے بہتر بناتی ہیں۔
یہ جاننے کے لیے کہ سفید مرچ آپ کی مجموعی صحت کو کس طرح بہتر بنا سکتی ہے، یہاں نظر ڈالیں۔
سفید مرچ کے حیرت انگیز فوائد:
وزن میں کمی:
سفید مرچ میں کیپسائسن ہوتی ہے، جو جسم کی چربی ختم کرنے میں مدد دیتی ہے۔ یہی وجہ ہے کہ زیادہ تر وزن میں کمی کی دوائیں ایک فعال جزو کے طور پر کیپساسین رکھتی ہیں۔
کھانسی اور نزلہ زکام کے علاج میں مدد دیتی ہے:
سفید مرچ ایک مسالہ کی نوعیت سے گرم ہے اور اس سے پیدا ہونے والی حرارت ناک سے گزرنے کو صاف کرسکتی ہے۔ شہد کے ساتھ مل کر، سفید مرچ اینٹی بائیوٹک کے طور پر کام کرتی ہے اور ناک کی نالیوں کے انفیکشن کا مقابلہ کرسکتی ہے، اس طرح نزلہ زکام اور کھانسی سے نجات ملتی ہے۔
بلڈ پریشر کنٹرول کرتی ہے:
سفید مرچ فلاوونائڈز، وٹامن سی اور اے سے مالا مال ہے، یہ بلڈ پریشر کو کنٹرول میں رکھنے میں مدد کرتا ہے۔ ہائی بلڈ پریشر والے افراد کو اپنی روزمرہ کی خوراک میں سفید مرچ شامل کرنے پر غور کرنا چاہیے۔ اس کے علاوہ شفید مرچ قلبِ صحت کے لیے بھی بہت مفید ہے۔
بینائی کو بہتر بناتی ہے:
سفید مرچ آنکھوں کی بینائی کو بہتر بناتی ہے، اس کے لیے آپ سفید مرچ کا پاؤڈر، بادام پاؤڈر، سونف پاؤڈر اور چینی کا مکسچر بناکر روزانہ کھاسکتے ہیں۔
ہڈیوں کو مضبوط بناتی ہے:
سفید مرچ میگنیشیم ، کاپر اور مینگنیج جیسے معدنیات کا بھرپور ذریعہ ہے، جو ہڈیوں کی طاقت کو بڑھانے میں معاون ہے۔ سفید مرچ خاص کر اُن افراد کے لیے بہت مفید ہے جن کی ہڈیاں عمر کے ساتھ کمزور ہوجاتی ہیں۔
آنتوں میں گیس کی تشکیل کو روکتی ہے:
سفید مرچ میں کچھ کارمینیٹیج خصوصیات موجود ہیں جس کی وجہ سے یہ آنتوں میں گیس کی تشکیل کو روکتی ہے۔ یہ ہمارے نظام ہاضمہ کو بہتر بناتی ہے آنتوں کو صاف کرتی ہے۔
جِلد کیلئے مفید:
پسی ہوئی سفید مرچ ایک بہترین اسکرب کا کام کرتی ہے اور مردہ جِلد کو دور کرنے میں مدد دیتی ہے۔ اس میں فلاونائڈز اور وٹامن جیسے اینٹی آکسیڈنٹس ہوتے ہیں، جو خون کی گردش کو بہتر بناتے ہیں، جس سے ہماری جِلد جوان اور تر و تازہ نظر آتی ہے۔