وفاقی وزیر مواصلات مراد سعید نے کہا ہے پاکستان میں روزانہ این آر او لیگ کچھ نہ کچھ کرنے میں لگی رہتی ہے۔
ایک بیان میں مراد سعید نے کہا کہ پی ڈی ایم نے الیکشن کمیشن کے سامنے تماشہ لگایا۔
وفاقی وزیر نے مزید کہا کہ انہوں نے تو الیکشن کمیشن میں رسیدیں دکھانی تھیں لیکن ان کے پاس ریکارڈ نہیں تھا اور نہ الیکشن کمیشن میں ریکارڈ جمع کروانا چاہتے ہیں۔
مراد سعید کا کہنا ہے کہ اگر یہ ریکارڈ دکھاتے ہیں تو ان کی امریکا اور دوسرے ممالک میں کمپنیاں سامنے آجائیں گی۔