چند سیکنڈز کی ویڈیو سے سوشل میڈیا اسٹار بن جانے والی لڑکی دنانیر مبین نے پاکستان کی معروف اداکارہ ماہرہ خان کا شکریہ ادا کیا ہے۔
گزشتہ روز ماہرہ خان نے انسٹاگرام پر دنانیر کی طرح مختلف انداز میں دوستوں کے ہمراہ پارٹی کی وڈیو پوسٹ کی تھی جس میں مومل شیخ بھی شامل تھیں۔
انسٹاگرام اسٹوریز پر دنانیر نے ماہرہ خان کی وڈیو کا اسکرین شاٹ شیئر کیا اور انہیں ’کوئین‘ قرار دیا۔
دنانیز نے لکھا کہ ماہرہ خان آپ بہت اچھی ہیں، آپ نے میرے لئے جو الفاظ استعمال کئے اس کے لئے شکریہ۔
گزشتہ روز ماہرہ خان نے وڈیو کے ساتھ پیغام میں دنانیر کے لئے نیک خواہشات کا اظہار کیا تھا۔