الیکشن کمشنر پنجاب غلام اسرار خان کا کہنا ہے کہ این اے 75 ڈسکہ کے انتخابی عمل کی چیف الیکشن کمشنرخود مانیٹرنگ کر رہے ہیں۔
غلام اسرار خان نے کہا کہ این اے 75 میں شفاف انتخابی عمل پرامن طور پر جاری ہے،ووٹرز بلاخوف و خطر اپنے انتخابی حلقوں کے پولنگ اسٹیشنز میں ووٹ ڈالنے آئیں۔
صوبائی الیکشن کمشنر نے کہا کہ ڈسکہ ضمنی انتخاب کے لیے بہترین انتظامات کیے گئے ہیں، پولنگ اسٹیشنز پر رائے دہندگان کو ہر ممکن سہولیات فراہم کی گئی ہیں۔
انہوں نے کہا کہ ووٹرز کورونا سے تحفظ کیلئے ایس او پیز کی مکمل پابندی کریں۔