وزیر اعظم عمران خان کے معاون خصوصی برائے مذہبی ہم آہنگی طاہر اشرفی نے کہا ہے کہ اس بار حج کے اخراجات گزشتہ سالوں سے زائد ہوں گے۔
ایک بیان میں طاہر اشرفی نے کہا کہ ابھی تک حج اخراجات کے حوالے سے سعودی عرب نے کچھ نہیں بتایا۔
انہوں نے کہا کہ سعودی عرب کی طرف سے ہدایات آنے کے بعد وزارت حج تفصیلات بتائے گی، اس حوالے سے عازمین حج کو انتظار کرنا چاہیے۔
واضح رہے کہ سعودی عرب کی حکومت نے اس سال حجاج کرام کی تعداد 60 ہزار تک محدود رکھی ہے اور عازمین حج کے لیے عمر کی حد 18 سے 60 سال مقرر کی گئی۔