بسوں اور ٹرکوں کے ٹائرز کی تیاری کے حوالے سے وزیرِاعظم عمران خان کے مشیرِ تجارت عبدالرزاق داؤد کا کہنا ہے کہ مقامی سطح پر چین کے اشتراک سے ٹائرز کی تیاری کے لیے مینوفیکچرنگ پلانٹ لگے گا۔
یہ بات ایک بیان میں وزیرِاعظم عمران خان کے مشیرِ تجارت عبدالرزاق داؤد نے کہی ہے۔
انہوں نے کہا کہ مینو فیکچرنگ پلانٹ رواں ماہ پاکستان میں لگانے کے اقدامات کیئے جائیں گے۔
عبدالرزاق داؤد نے کہا کہ پاکستانی اور چینی کمپنی کے باہمی اشتراک سے مینوفیکچرنگ پلانٹ لگے گا۔
ان کا مزید کہنا ہے کہ منصوبے کی مجموعی لاگت 16 اعشاریہ 43 ارب روپے ہے۔
مشیرِ تجارت نے یہ بھی کہا ہے کہ مقامی سطح پر بننے والے 85 فیصد ٹائیرز برآمد کیئے جائیں گے۔