داسو واقعے میں ہلاک ہوئے چینی باشندوں کی میتیں وطن روانگی کیلئے اسلام آباد ایئرپورٹ پر پہنچا دی گئی ہیں۔
ذرائع کے مطابق چین کے سفیر اسلام آباد ایئرپورٹ سے میتوں کو چین کے لیے رخصت کریں گے،میتوں کو خصوصی پرواز کے ذریعے اڑھائی بجے چین روانہ کیا جائے گا۔
میتوں کو روانگی سے قبل اسلام آباد ایئرپورٹ پر سلامی دی جائے گی۔
واضح رہے کہ اپر کوہستان کے علاقے داسو میں پیش آئے واقعے سے متعلق وفاقی وزیر داخلہ شیخ رشید نے بتایا تھا کہ واقعے کی تفتیش مکمل کرلی ہے، یہ اسی سازش کی کڑی ہے کہ چین اور پاکستان کے درمیان غلط فہمی پیدا ہو۔
انہوں نے کہا کہ داسو واقعے کی تفتیش پر دوست ملک چین مطمئن ہے۔