لاہور کے گریٹر اقبال پارک میں خاتون ٹاک ٹاکر عائشہ اکرم سے دست درازی کے کیس میں پولیس نے خاتون کی ابتدائی میڈیکل رپورٹ مجسٹریٹ کی عدالت میں پیش کردی، رپورٹ کے مطابق عائشہ اکرم کے جسم پر خراشوں کے نشان پائے گئے ہیں۔
تفتیشی افسر نے عدالت میں رپورٹ جمع کرواتے ہوئے کہا کہ میڈیکل رپورٹ کی روشنی میں ایف آئی آر میں ترمیم کرلی گئی۔
تفتشی افسر نے ترمیمی ایف آئی آر کی کاپی بھی عدالت میں جمع کروادی، مقدمے میں خاتون سے ڈکیتی کرنے کے الزام میں دفعہ 395 بھی شامل کی گئی ہے۔
پولیس کا کہنا ہے کہ میڈیکل کے لیے عائشہ کو پیش کرنا ضروری تھا، میڈیکل رپورٹ کی روشنی میں ایف آئی آر میں زخمی کرنے کی دفعات شامل ہیں۔