سندھ کے وزیر سعید غنی نے وفاقی وزیر اسد عمر کے طعنے کا جواب دے دیا۔
ایک بیان میں سعید غنی نے کہا ہے کہ وفاقی حکومت کو بیرون ملک سے ویکسین کی امداد مل رہی تھی، انہوں نے سندھ حکومت پر کوئی احسان نہیں کیا۔
انہوں نے مزید کہا کہ سندھ حکومت نے اپنے بجٹ میں ویکسینیشن کے لیے پیسے رکھے، اسد عمر غلط بیانی نہ کریں۔
وفاقی وزیر نے گزشتہ دنوں کہا تھا کہ سندھ حکومت نے انسداد کورونا کی ایک ویکسین تک نہیں خریدی۔
انہوں نے یہ بھی کہا تھا کہ وفاق نے 10 ارب روپے کی ویکسین سندھ کو فراہم کی ہے۔