سرینگر (جنگ نیوز)مقبوضہ کشمیر میں قابض بھارتی فوج کی ریاستی دہشت گردی جاری ہے۔ اس حوالے سے کشمیر میڈیا سروس (کے ایم ایس) کی رپورٹ کے مطابق قابض بھارتی فوج نے ضلع بارہ مولا میں3کشمیری نوجوانوں کو شہید کر دیا۔کے ایم ایس نے مزید بتایا کہ اس سے قبل ضلع شوپیاں میں بھی کشمیری نوجوان کو شہید کیا گیا تھا۔ بارہ مولا میں کشمیری نوجوانوں کو جعلی مقابلوں کے دوران شہید کیا گیا۔ کے ایم ایس کے مطابق قابض فوج نے 18ستمبر سے بارہ مولا کے علاقے اڑی کا محاصرہ کر رکھا ہے۔