حوثیوں کا داغا گیامیزائل مکہ سے دورتباہ کردیا، بریگیڈئیرالعسیری

حوثی باغیوں کی جانب سے سعودی عرب کی طرف داغاگیامیزائل مارگرایا،اس حوالے سے عرب ٹی وی کا کہنا ہے کہ اتحادی فوج نے نہ صرف اس میزائل کو گرادیا بلکہ جہاں سے یہ فائر کیا تھا اس علاقے پر جوابی کارروائی بھی کی۔

ادھر سعودی فوجی ترجمان بریگیڈیراحمدالعسیری نے بتایا کہ اسکڈ میزائل کومکہ سے 65کلومیٹر دورفضا میں تباہ کیا۔عرب ٹی وی کے مطابق عرب لیگ،خلیج تعاون کونسل،مصراور اردن نے میزائل فائرن کرنے کے واقعے کی شدید مذمت کی ہے۔

دوسری جانب امریکی نشریاتی اداروں کا کہنا ہے کہ ایران حوثی باغیو ں کو نہ صرف عام قسم کے ہتھیار فراہم کررہا ہے بلکہ وہ انھیں ساحلی علاقوں کے دفاع کے لیے کروز میزائل بھی فراہم کررہا ہے ۔اور اس ماہ امریکی نیوی کے جہاز پر بھی ایسا ہی میزائل فائر کیا گیا تھا۔