ہاکی ٹیسٹ:پاکستان نے کیویز کو ہرادیا | Daily Jang News
| |
Home Page
اتوار 29 رمضان المبارک 1438ھ 25 جون 2017ء
March 21, 2017 | 05:01 am
ہاکی ٹیسٹ:پاکستان نے کیویز کو ہرادیا

Hockey Test Pakistan Beat New Zealand

Hockey Test Pakistan Beat New Zealand
پاکستان نے ابوبکر کی شاندار ہیٹ ٹرک کی بدولت نیوزی لینڈ کو 2-4 سے شکست دیتے ہوئے ٹیسٹ ہاکی سیریز برابرکردی۔

نیوزی لینڈ سے موصولہ اطلاع کے مطابق ویلنگٹن میں ہونے والے میچ میں پاکستان ٹیم نے آغاز سے جارحانہ انداز اپنایا اور کھیل شروع ہونے کے 6 منٹ بعد ہی کپتان عبدالحسیم خان نے پنالٹی کارنر پر گول داغتے ہوئے ٹیم کو برتری دلائی۔

 دوسرے ہاف کا آغاز ہوتے ہی محمد ابوبکر نے گیند کوجال میں پہنچاتے ہوئے ٹیم کی برتری کو دوگنا کردیا۔35 ویں منٹ میں ابوبکر نے پنالٹی کارنر پر گول کرتے ہوئے اسکور 0-3 کردیا۔

نیوزی لینڈ کی جانب سے 45 ویں منٹ میں کورنے بینٹ نے پنالٹی کارنر کو کارآمد بنایا۔ 53 ویں منٹ میں ابوبکر نے تیسرا گول کرتے ہوئے مجموعی اسکور 1-4 کردیا۔

کچھ لمحے بعد نیوزی لینڈ کی جانب سے اسٹیفن جینس نے گول کرتے ہوئے ٹیم کا خسارہ کم کیا۔

پہلے میچ میں نیوزی لینڈ نے پاکستان کو 2-3 سے شکست دی تھی جب کہ دوسرا میچ ڈرا ہو گیا تھا۔