حکومت سوئٹ ہومز اور بچوں کی ہر ممکن مدد کریگی،مراد علی شاہ

وزیر اعلی سندھ سید مراد علی شاہ کا کہنا ہے کہ حکومت سندھ سوئٹ ہومز کے بچوں اور ادارے کی ہر ممکن مدد کرے گی۔

کراچی میں سوئٹ ہومز میں منعقدہ تقریب میں وزیر اعلیٰ سندھ مراد علی شاہ پہنچے تو زمرد خان نے ان کا استقبال کیا اور انہیں سوئٹ ہوم سے متعلق بریفنگ دی۔

تقریب میں بچوں نے ملی نغموں پر ٹیبل پیش کئے، تقریب میں بچوں سے خطاب کرتے ہوئے وزیر اعلیٰ سندھ کا کہنا تھا کہ بہتر مستقبل ملک کے ہر بچے کا حق ہے، انہوں نے کہا کہ آصف علی زرداری سمیت دیگر لوگوں کی کاوشوں سے یہ ادارے فعال ہیں۔

انہوں نے سوئٹ ہومز کی انتظامیہ سے کہا کہ انہیں تجاویز پیش کی جائیں سندھ حکومت سوئٹ ہومز اور یہاں رہنے والے بچوں کی ہر ممکن مدد کرے گے، وزیر اعلیٰ سندھ کے ہمراہ صوبائی وزیر تعلیم جام مہتاب ڈہر سمیت صوبائی وزیر شمیم ممتاز بھی موجود تھیں۔