اسلام آباد: بھارتی سفارتکار کے گھر کے صحن میں آگ لگ

اسلام آباد میں بھارتی سفارت کار کے گھر کی بیرونی باؤنڈری میں آگ بھڑک اٹھی، جسے فائر بریگیڈ اور ریسکیو ٹیموں نے قابو پا لیا۔

پولیس کے مطابق سیکٹر ایف 6 ٹو میں بھارتی سفارت کار کے گھر میں آگ پہلے صحن میں رکھے جنریٹر میں لگی، جو ساتھ لگے گیس کے میٹر تک پھیل گئی،آگ نے قریبی درختوں کو بھی اپنی لپیٹ میں لے لیا۔

آتشزدگی سے گھر کے باہر سی سی ٹی وی کیمرے اور گیس کا میٹر جل گیا،فائر بریگیڈ اور ریسکیو ٹیموں نے موقع پر پہنچ کر آگ پر قابو پا لیا۔