خیبرایجنسی میں دھماکا، کسٹم عملے کا اہلکار زخمی

خیبرایجنسی میں پاک افغان شاہراہ کے کنارےدھماکے میں کسٹم عملےکا ایک سپاہی زخمی ہوگیا، زخمی اہلکار کو اسپتال منتقل کردیاگیا۔

پولیٹیکل انتظامیہ کے مطابق تحصیل لنڈی کوتل میں شیخ وال کے مقام پر پاک افغان شاہراہ پر نصب بم دھماکے سے پھٹ گیا۔دھماکے کے وقت کسٹم عملے کی گاڑی وہاں سے گزررہی تھی جس کے نتیجے میں ایک اہلکار زخمی ہوگیا۔

زخمی اہلکار کو لنڈی کوتل اسپتال منتقل کردیا گیاجبکہ گاڑی کو جزوی نقصان پہنچا۔

دھماکے بعد سیکورٹی فورسز نے علاقے کو گھیرے میں لے کر تحقیقات شروع کردی ہیں۔

انتظامیہ کے مطابق کسٹم کی گاڑی حسب معمول پشاور سے عملے کو لے کر طورخم کسٹم ہاؤس جارہی تھی۔