روہنگيا مسلمانوں کی مدد کے ليے اقوام متحدہ نے 43 کروڑ 40 لاکھ ڈالر کی مالی امداد کا مطالبہ کر دیا۔
يہ مطالبہ ڈونر ممالک کے جنيوا ميں آج ہونے والی کانفرنس میں کیا گيا۔ بتايا گيا ہے کہ اس امدادی رقوم سے آئندہ برس فروری تک کے ليے روہنگيا مسلمانوں کو بنيادی سہوليات فراہم کی جائيں گی۔
مشتبہ روہنگیا حملہ آوروں کے خلاف ميانمار کی فوج کے کريک ڈاؤن کے نتیجے ميں صرف چند ہی ہفتوں کے دوران قريب چھ لاکھ روہنگيا مسلمان شمالی راکھين رياست سے پناہ کے ليے بنگلہ ديش فرار ہو چکے ہيں۔
جنيوا ميں آج بات کرتے ہوئے اقوام متحدہ کے سيکرٹری جنرل انٹونيو گوٹيرش نے کہا کہ بنگلہ ديش ميں ان مہاجرين کی صورتحال انتہائی افسوس ناک ہے۔