عرب ممالک دنیا کے ’محفوظ ترین‘ ملک قرار

عرب ممالک دنیاکے سب سے محفوظ ممالک قرار پائے ہیں۔

’خلیج ٹائمز‘ میں شائع ہونے والی 2017 کی عالمی دہشت گردی انڈیکس (GTI) رپورٹ کے مطابق عرب ممالک دہشت گردی اور دیگر اعتبار سے دنیاکے سب سے محفوظ ترین ممالک ہیں۔

ورلڈ اکنومیک فورم (WEF) کا کہنا ہے کہ عرب ممالک میں سیاحوں کے آنے کی دو بڑی وجوہات ہیں ایک یہ کہ وہاں کے لوگ بہت زیادہ مہمان نواز ہوتے ہیں اور دوسری ان کے تفریحی مقامات ہیں۔

عرب ممالک کے علاوہ دنیا کےدیگر محفوظ ممالک میں آسٹریلیا، فن لینڈ، جاپان، نیوزی لینڈ، ڈنمارک، جرمنی، کینڈا وغیرہ شامل ہیں۔

امریکہ میں پچھلے کئی سالوں سے جاری دہشت گردی کے باعث یہ 32 ویں نمبر پر آگیا ہے لیکن اس کے باوجود اس کا شمار محفوظ ممالک میں ہوتا ہے۔

اس رپورٹ میں یہ بھی بتایا گیا ہے کہ 2015 سے 2016 کے دوران دہشت گردی کے واقعات میں 13 فیصد کمی ہوئی ہے۔

جبکہ دوسری جانب دنیا کے غیرمحفوظ ممالک کی فہرست بھی جاری کی گئی ہے جن میں پاکستان سمیت بھارت، عراق، افغانستان، شام، ترکی، یمن اور دیگر ممالک شامل ہیں۔