موگابےاستعفے کے لیے مشروط طور پرمتفق،دستاویز بھی تیار

زمبابوے کے صدر رابرٹ موگابےاستعفے کے لیے مشروط طور پر متفق ہوگئے ،شرائط میں موگابے اور ان کی اہلیہ کے لیے استثنااور جائیداد بھی اپنے پاس رکھنا شامل ہے۔

امریکی میڈیا نے دعوی کیا ہے کہ زمبابوے کے صدر رابرٹ موگابے استعفیٰ کیلئےشرائط پر متفق ہوگئے ہیں،جس کیلئے دستاویز بھی تیار کر گئی ہے۔فوجی جنرل نے موگابے کی زیادہ تر شرائط پوری کرنے کی حامی بھر لی ہے۔

بتایا جاتا ہے کہ شرائط میں موگابے اور ان کی اہلیہ کیلئے مکمل استثناء شامل ہے،شرائط کے مطابق استعفیٰ کے بعد موگابے نجی جائیداد بھی اپنے پاس رکھ سکیں گے۔واضح رہے کہ گزشتہ روز موگابے کو پارٹی صدارت سے بھی ہٹا دیا گیا تھا۔جس کے بعد سے اب وہ مکمل طور پر تنہائی کا شکار ہوچکے ہیں۔