اسٹیڈیم کودھماکا خیز مواد سے زمین بوس کردیا

ایک طرف توعمارتیں کھڑی کرنے میں مہینوں لگ جاتے ہیں وہیں انہیں گرانے کے لیے صرف چند سیکنڈزہی کافی ہوتے ہیں۔

ایسا ہی ایک نظارہ امریکی شہر اٹلانٹا میں دیکھنے کو ملا جہاں ایک 25سال پرانے اسٹیڈیم کو دھماکا خیز مواد کے ذریعے زمین بوس کردیا گیا۔

1992میں تعمیر ہونے والے جارجیا ڈوم نامی اس اسٹیڈیم کو گرانے کیلئے تقریباً 5000پاؤنڈ وزنی دھماکا خیز مواد استعمال کیا گیا جو کہ اسٹیڈیم کی عمارت میں بھر دیا گیا تھا۔

بٹن دباتے ہی اسٹیڈیم دیکھتے ہی دیکھتے زمین بوس ہوگیا جبکہ یہ منظر دیکھنے کیلئے لوگوں کی بڑی تعداد کچھ ہی دور موجود تھی۔