طالبان بد ترین دشمن ہیں، افغان علماء کونسل

افغان علماء کونسل نے کابل ہوٹل پر حملے کی شدید مذمت کرتے ہوئے طالبان کو بدترین دشمن قرار دیا ہے۔

افغان میڈیا کے مطابق افغان علما ءکونسل کی جانب سے جاری بیان میں کابل ہوٹل حملے کی شدید مذمت کی گئی۔

علما کونسل کا کہنا تھا کہ حملے کا انسانی یا اسلامی کوئی جواز نہیں، ملک کے دشمن کبھی اپنے مقاصد میں کامیاب نہیں ہو ں گے۔

واضح رہے کہ ہفتے کی رات کابل ہوٹل پر حملےمیں غیرملکیوں سمیت بیس سے زائد افراد ہلاک ہوئے، حملے کی ذمہ داری طالبان نے قبول کی تھی۔