پارلیمنٹ کا مشترکہ اجلاس ملتوی ہونے کی وجوہات سامنے آگئیں

حکومت کی طرف سے پارلیمنٹ کا مشترکہ اجلاس ملتوی کیے جانے کی وجوہات سامنے آگئیں۔

ذرائع کے مطابق الیکٹرانک ووٹنگ مشین (ای وی ایم) پر اتحادیوں کے شدید تحفظات ہیں۔ حکومت نے ای وی ایم بل واپس لینے پر غور شروع کردیا ہے۔

حکومت نے کل کا پارلیمنٹ کا مشترکہ اجلاس موخر کردیا ہے، فواد چوہدری

وفاقی وزیر اطلاعات و نشریات فواد چوہدری نے کہا ہے کہ پارلیمنٹ کا کل ہونے والا مشترکہ اجلاس موخر کردیا گیا ہے۔

ذرائع کے مطابق اتحادیوں نے الیکٹرانک ووٹنگ مشین پر بریفنگ نہ دیے جانے اور طریقہ کار سے عدم واقفیت کا شکوہ کیا۔

ذرائع کے مطابق اتحادیوں کا موقف ہے کہ آنکھیں بند کرکے کسی بھی بل کی حمایت نہیں کرسکتے ہیں۔

فواد چوہدری ہمت کرکے سب سچ بولیں، مریم اورنگزیب کا مشورہ

اپوزیشن جماعت مسلم لیگ (ن) کی ترجمان مریم اورنگزیب نے وفاقی وزیر فواد چوہدری کو ہمت کرکے سچ بولنے کا مشورہ دے دیا۔

ذرائع کے مطابق پی ٹی آئی حکومت پر اتحادیوں نے واضح کیا کہ ای وی ایم کے معاملے پر ہم سے بھی مشاورت کی جانی چاہیے تھی۔

ذرائع کے مطابق اتحادیوں کےتحفظات کے بعد حکومت الیکٹرانک ووٹنگ مشین بل پر کشمکش کا شکار ہوگئی ہے۔