فرمان الہی
نماز کے اوقات
گزشتہ روز خوبرو اداکارہ صبور علی کے ساتھ رشتۂ ازدواج میں منسلک ہونے والے معروف اداکار علی انصاری کی سوشل میڈیا مقبولیت میں اضافہ ہوگیا۔
دولہے میاں علی انصاری گزشتہ کئی روز سے خبروں کی زینت بنے ہوئے ہیں، پہلے اداکار کی بہن کی شادی توجہ کا مرکز بنی تو اب اُن کی اپنی شادی کے خوب چرچے ہورہے ہیں۔
علی انصاری کے فوٹو اینڈ ویڈیو شیئرنگ ایپ انسٹاگرام پر موجود تصدیق شدہ اکاؤنٹ پر فالوورز کی تعداد میں اضافہ ہوگیا ہے۔
اداکار کے انسٹاگرام فالوورز، اضافے کے بعد ایک ملین یعنی 10 لاکھ ہوگئے ہیں۔
علی انصاری کے انسٹاگرام اکاؤنٹ کی جانب نظر دوڑائی جائے تو اُنہوں نے اب تک 453 پوسٹس کی ہیں جبکہ اُنہوں نے اپنے اکاؤنٹ سے صرف 374 صارفین کو فالو کیا ہوا ہے۔
واضح رہے کہ اداکارہ صبور علی اور اداکار علی انصاری کے نکاح اور رخصتی کی تقریب کا انعقاد گزشتہ روز کیا گیا تھا جس کی تصویریں اور ویڈیوز سوشل میڈیا پر وائرل ہورہی ہیں۔
صبور علی نے اپنی زندگی کے سب سے خاص اور خوبصورت موقع پر گولڈن رنگ کے عروسی لباس کا انتخاب کیا تھا جبکہ اُن کے شوہر علی انصاری نے سفید شیروانی زیب تن کی۔
علی انصاری اور صبور کی شادی کی تقریب میں شوبز ستاروں نے بھی شرکت کی جن میں عروہ حسین، زارا نور عباس اور ایمن خان سمیت دیگر فنکار شامل تھے۔
خیال رہے کہ گزشتہ برس ہی صبور علی کی اداکار علی انصاری کے ساتھ بات پکّی ہوئی تھی۔
