عمران خان کی پاکستان کے دورے پر آئے بل گیٹس سے ملاقات

وزیراعظم عمران خان نے پہلی مرتبہ پاکستان کے دورے پر وفاقی دارالحکومت اسلام آباد پہنچنے والے مائیکرو سافٹ کے بانی بِل گیٹس سے ملاقات کی ہے۔

عمران خان اور بل گیٹس کی ملاقات میں  پولیو کے خاتمے اور دیگر اہم موضوعات پر بات چیت کی گئی۔

سربراہ این سی او سی اسد عمر اور معاون خصوصی ڈاکٹر فیصل سے بل گیٹس سے ملاقات کی، بل گیٹس نے وفد کے ہمراہ این سی او سی کے اجلاس میں شرکت کی۔

این سی اوسی کی پاکستان میں ویکیسنیشن مہم پر عملدرآمد کو سراہا گیا۔

بِل گیٹس پاکستان کے دورے پر اسلام آباد پہنچ گئے، ذرائع

مائیکروسافٹ کےبانی بِل گیٹس پاکستان کےدورے پر وفاقی دارالحکومت اسلام آبادپہنچ گئے۔

اس سے قبل بِل گیٹس نے چک شہزاد میں پاکستان پولیو پروگرام کا دورہ کیا۔

بِل گیٹس کے دورے میں معاونِ خصوصی برائے صحت ڈاکٹر فیصل سلطان بھی موجود تھے۔

ذرائع کا بتانا ہے کہ بل گیٹس کو پاکستان پولیو مہم پروگرام اور پاکستان میں پولیو سے متعلق پیش رفت اور چیلنجز سے متعلق بریفنگ دی گئی۔

بل گیٹس کی جانب سے پولیو سے متعلق اقدامات کو سراہا گیا اور کہا کہ پاکستان نے پولیو کے خاتمے کے لیے اقدامات کیے۔

بل گیٹس نے کہا کہ پولیو ورکرز اور والدین کے تعاون کے باعث پاکستان ایک سال سے پولیو فری ہے، پاکستان کے ساتھ پولیو پروگرام میں تعاون جاری رکھا جائےگا۔

بل گیٹس نے پاکستان کے پولیو ورکرز، ہیلتھ ورکرز اور والدین کے تعاون کو سراہا ۔