فرمان الہی
نماز کے اوقات
پنجاب کے وزیرِ اعلیٰ سردار عثمان بزدار کی جانب سے آج وزارتِ اعلیٰ چھوڑنے کا امکان ہے۔
اس حوالے سے ذرائع کا کہنا ہے کہ سردار عثمان بزدار آج ایوانِ وزیرِ اعلیٰ لاہور میں آخری تقریب میں شرکت کریں گے۔
ذرائع نے بتایا ہے کہ ایوانِ وزیرِ اعلیٰ میں وقار النساء یونیورسٹی راولپنڈی کے سنگِ بنیاد کی تقریب ہو گی۔
ذرائع کا کہنا ہے کہ اس سلسلے میں وزیرِ اعلیٰ پنجاب عثمان بزدار نے وفاقی وزیرِ داخلہ شیخ رشید کو لاہور مدعو کر لیا ہے۔
ذرائع کے مطابق وزیرِ اعلیٰ پنجاب عثمان بزدار وقار النساء یونیورسٹی کا نوٹیفکیشن شیخ رشید کے حوالے کریں گے۔
سردار عثمان بزدار کی بطور وزیرِ اعلیٰ یہ آخری تقریب ہو گی۔
