آئی ایم ایف پروگرام پر تمام سیاسی جماعتیں متفق ہیں، اسٹیٹ بینک

اسٹیٹ بینک آف پاکستان (ایس بی پی) حکام نے پاکستان کی معاشی صورتحال بہتر قرار دے دی اور کہا ہے کہ عالمی مالیاتی ادارے (آئی ایم ایف) پروگرام پر تمام سیاسی جماعتیں متفق ہیں۔

اسلام آباد سے جاری بیان میں اسٹیٹ بینک حکام نے کہا کہ پاکستان کی معاشی صورتحال بہتر ہے، ڈیفالٹ جیسی باتیں نہ کی جائیں۔

ایکسچینج ریٹ میں استحکام کیلئے اسٹیٹ بینک کے اقدامات

اسٹیٹ بینک آف پاکستان (ایس بی پی) نے ایکس چینج ریٹ میں استحکام کے لیے اقدامات کرلیے ہیں۔

حکام کے مطابق آئی ایم ایف پروگرام پر تمام سیاسی جماعتیں متفق ہیں، آئی ایم ایف کے بغیر اگلا سال بہت مشکل ہوگا۔

ایس بی پی حکام کے مطابق حکومت نے تمام مشکل فیصلے کرلیے ہیں، آئی ایم ایف پروگرام میں رہیں گے تو بیرونی فنانسنگ کا مسئلہ نہیں ہوگا۔

حکام اسٹیٹ بینک کے مطابق ایکسچینج ریٹ پکڑ کر رکھیں گے تو زرمبادلہ کے ذخائر مزید گریں گے، اسٹیٹ بینک ہاتھ باندھ کر مزے سے نہیں بیٹھا، ضرورت کے مطابق مداخلت کرتے ہیں۔

بینکوں میں ڈالر ختم ہوگئے، ریٹ 225 سے اوپر جائے گا، مزمل اسلم

ماہر معاشیات مزمل اسلم نے کہا ہے کہ بینکوں میں ڈالر ختم ہوگئے، ریٹ 225 سے اوپر جائے گا۔

ایس بی پی حکام کے مطابق آئی ایم ایف سے کہا ہے ایگزیکٹو بورڈ سے معاہدے کی جلد منظوری لی جائے، 15 اگست کے بعد بورڈ سے قسط کی فوری منظوری کا یقین دلایا ہے۔

حکام کے مطابق اس مالی سال مہنگائی کا تخمینہ 18 سے 20 فیصد ہے، پاکستان کا بیرونی قرضہ پائیدار ہے، گھبرانے کی ضرورت نہیں۔

اسٹیٹ بینک حکام کے مطابق ضمنی انتخابات کے نتائج سے سیاسی بے یقینی بڑھی ہے، موجودہ بے یقینی فروری 2022 کے مقابلے میں کم ہے۔

ایس بی پی حکام کے مطابق فروری میں فیول سبسڈی کے اعلان سے آئی ایم ایف ناراض تھا، موجودہ معاہدے کے بعد ہمیں پتا ہے کہ کیا کرنا ہے۔