فرمان الہی
نماز کے اوقات
پاک فوج کی جانب سے سیلاب زدگان کی سہولتوں کے لیے جہاں اہم اقدامات اٹھائے جا رہے ہیں وہیں سندھ میں متاثرین کی بستیوں کے بچوں کے لیے عارضی اسکول بھی قائم کر دیے گئے ہیں۔
اس سلسلے میں جاری کی گئی ایک ویڈیو میں پاک فوج کے جوان متاثرینِ سیلاب کی خیمہ بستیوں میں بچوں کو کتابیں تقسیم کرتے نظر آ رہے ہیں جبکہ پاک فوج کی جانب سے خیمہ بستیاں بنا کر بچوں کو تعلیم و تربیت دینے کا سلسلہ بھی جاری ہے۔
دوسری جانب ذرائع کے مطابق ٹنڈوالہٰیار، عمر کوٹ، سانگھڑ، دادو، ٹھٹھہ، بدین اور میرپور خاص میں پاک فوج کے جوان سیلاب زدگان کے لیے امدادی سرگرمیوں میں مصروف ہیں۔
فوج کی جانب سے سیلاب سے متاثرہ علاقوں میں راشن و دیگر اشیائے ضروریہ کی تقسیم بھی جاری ہے۔
راشن، کپڑوں اور بستروں کے علاوہ آرمی کے جوانوں کی جانب سے سیلاب زدگان کو میڈیکل کی مفت سہولتیں بھی فراہم کرنے کا سلسلہ جاری ہے۔
پاک آرمی کی جانب سے قمبر شہداد کوٹ، کشمور اور ٹنڈو محمد خان میں سیلاب زدگان کے لیے سہولتوں کی فراہمی جاری ہے۔
پاک فوج کے جوانوں کی جانب سے تازہ کھانا پکا کر تقسیم کرنے کا سلسلہ جاری ہے۔
