فرمان الہی
نماز کے اوقات
وفاقی وزیر توانائی خرم دستگیر کو سابق وزیراعظم نواز شریف نے بجلی قیمت سے متعلق بڑی ہدایت دے دی۔
لندن میں پارٹی قائد نواز شریف سے ملاقات کے بعد خرم دستگیر نے میڈیا سے گفتگو کی اور بتایا کہ نواز شریف نے 300 یونٹ تک بجلی استعمال کرنے والوں سے متعلق منصوبہ بندی کی ہدایت کی ہے۔
انہوں نے کہا کہ نواز شریف نے ہدایت کی کہ 300 یونٹ تک بجلی استعمال پر کم قیمت منصوبہ بنایا جائے، جس کا مقصد غریب افراد کو ریلیف فراہم کرنا ہے۔
خرم دستگیر نے مزید کہا کہ دوران ملاقات نواز شریف کو رینیوبل انرجی منصوبوں پر بریفنگ دی۔
ان کا کہنا تھا کہ ہماری استدعا ہے کہ نواز شریف جلد پاکستان آئیں اور ملک کو ترقی کے موٹروے پر ڈالیں۔
وفاقی وزیر نے ملکی سیاسی صورتحال پر گفتگو کی اور کہا کہ ابھی تک تو غالب امکان ہے کہ پنجاب اسمبلی قائم رہے گی۔
