پشاور پولیس لائنز دھماکا، وزارت داخلہ کو ابتدائی رپورٹ بھیج دی گئی

پشاور پولیس لائنز دھماکے پر خیبر پختونخوا پولیس نے وزارت داخلہ کو ابتدائی رپورٹ بھیج دی ہے۔

بظاہر لگتا ہے حملہ آور نے رات پولیس لائنز میں گزاری، سید مسعود شاہ

خیبرپختونخوا کے نگراں وزیر سید مسعود شاہ نے کہا ہے کہ لگتاہے حملہ آور پہلے سےپولیس لائنز میں تھا۔

ذرائع کے مطابق خیبرپختونخوا پولیس کی وزارت داخلہ کو بھجوائی گئی رپورٹ میں کہا گیا کہ واقعہ بظاہر خودکش حملہ ہے۔

رپورٹ میں مزید کہا گیا کہ خودکش حملہ آور کی شناخت پر کام جاری ہے۔

واضح رہے کہ پشاور کی پولیس لائنز میں واقع مسجد میں خودکش دھماکے کے نتیجے میں پولیس اہلکاروں سمیت 59 افراد شہید جبکہ 140 زخمی ہوئے ہیں، زخمیوں میں کئی کی حالت تشویشناک ہے۔