فرمان الہی
نماز کے اوقات
ایچ بی ایل پی ایس ایل فرنچائز پشاور زلمی کے کپتان بابر اعظم نے کہا ہے کہ افتخار احمد کے 6 چھکوں کو سب ہی نے انجوائے کیا۔
کراچی میں میڈیا سے گفتگو میں بابر اعظم نے کہا کہ کراچی کنگز میں پیار ملا ایسا ہی پشاور زلمی سے بھی ملا ہے۔
انہوں نے کہا کہ پی ایس ایل کی یہ ہی خوبصورتی ہے کہ یہاں کوالٹی کرکٹ ملتی ہے، ایونٹ ہر نوجوان کےلیے اوپن ہے۔
پشاور زلمی کے کپتان نے مزید کہا کہ جو حکمت عملی دوسرے بولرز کے خلاف ہوتی ہے وہ ہی کراچی کنگز کے خلاف بھی ہوگی۔
ان کا کہنا تھا کہ ہر ٹیم کے خلاف مختلف پلان بنائے ہیں۔ پی ایس ایل میں مجھے بھی سیکھنے کا موقع ملا۔
بابر اعظم نے کوئٹہ کے بگٹی اسٹیڈیم میں کھیلے گئے نمائشی میچ میں کوئٹہ گلیڈی ایٹرز کے افتخار احمد کی پرفارمنس پر تبصرہ کیا۔
ان کا کہنا تھا کہ افتخار احمد کے 6 گیندوں پر 6 چھکوں کو سب ہی نے انجوائے کیا۔
