عریشہ رضی خان نے اپنا نکاح خُفیہ کیوں رکھا تھا؟

16 جون ، 2023

پاکستان شوبز انڈسٹری سے وابستہ معروف اداکارہ عریشہ رضی خان نے اپنے نکاح کو خُفیہ رکھنے کی وجہ بتادی۔

عریشہ رضی خان نے گزشتہ دنوں نجی چینل کے ایک پروگرام میں اپنی بہن سارہ رضی خان کے ہمراہ شرکت کی۔

دوران شو میزبان نے ان سے سوال کیا کہ آپ کے نکاح کی تصویروں کو لے کر ایک تنازع کھڑا ہوا، آخر آپ اپنے نکاح کی خبر اپنے مداحوں سے کیوں چُھپا رہی تھیں؟

میزبان کے سوال پر اداکارہ نے جواب دیا کہ وہ وقت مناسب نہیں تھا، میں خود اپنے پرستاروں کو بتانا چاہتی تھی لیکن میری خواہش تھی کہ جب میری رخصتی ہو اس وقت میں اپنے نکاح کا اعلان کروں۔

بطور چائلڈ آرٹسٹ شہرت کی بلندیوں پر پہنچنے والی اداکارہ عریشہ رضی خان نے مزید کہا کہ میں رخصتی کے وقت بالترتیب تمام تقریبات کی تفصیلات اپنے پرستاروں کے ساتھ شیئر کرنا چاہتی تھی۔

انہوں نے کہا کہ چونکہ مجھے معلوم تھا کہ رخصتی میں ابھی کافی وقت ہے اس لئے پہلے سے نکاح کا اعلان کرنا ٹھیک نہیں سمجھا۔

یاد رہے کہ گزشتہ برس جولائی کے آخر میں 22 سالہ عریشہ رضی خان کے نکاح کی تصاویر اور ویڈیوز ان کے فوٹوگرافر کی جانب سے اچانک منظر عام پر آنے کے بعد وائرل ہوگئی تھی۔

انٹرٹینمنٹ سے مزید