فرمان الہی
نماز کے اوقات
ہانگ کانگ میں جنوبی کوریائی خاتون سیاح کو جنسی ہراساں کرنے والے بھارتی نژاد شخص کو گرفتار کرلیا گیا۔
غیرملکی میڈیا کے مطابق خاتون اپنے دورے کے دوران شہر کی لائیو اسٹریمنگ کر رہی تھی۔
رپورٹس کے مطابق بھارتی نژاد شخص کی خاتون کو چھیڑنے کی حرکت لائیو ریکارڈنگ بھی سامنے آگئی ہے۔
غیرملکی میڈیا کے مطابق خاتون ایک ٹرام اسٹاپ پر انتظار کر رہی تھی تو اس دوران بھارتی نژاد شخص نے اس کے پاس آکر اس سے بات چیت کرنا شروع کی اور کچھ ہی دیر بعد خاتون کے قریب آکر اسے ساتھ چلنے کا کہا۔
رپورٹس کے مطابق بھارتی نژاد شخص نے خاتون سیاح کو ہاتھ پکڑ کر ساتھ چلنے کا کہا اور اسے کئی مرتبہ پکڑنے کی بھی کوشش کی۔
ویڈیو میں بھی دیکھا جاسکتا ہے کہ خاتون سیاح بھارتی نژاد شخص کو منع کر کے دور ہٹاتی رہی تاہم وہ اس سے بدتمیزی کرتا رہا۔
غیرملکی میڈیا کے مطابق خاتون کی رو کر اور اونچی آواز میں مدد طلب کرنے پر وہ شخص فرار ہوگیا۔
رپورٹس کے مطابق خاتون کو اس واقعے کے دوران کچھ زخم بھی آئے جبکہ بدتمیزی کرنے والے شخص کے بارے میں بتایا گیا ہے کہ وہ ویٹر ہے جسے گرفتار کرلیا گیا ہے۔
واضح رہے کہ اس طرح کے کئی واقعات بھارت میں بھی رونما ہوچکے ہیں۔
