منصور علی خان کے معافی مانگنے پر اداکارہ تریشا کا بیان

جنوبی بھارت سے تعلق رکھنے والے اداکار منصور علی خان کی جانب سے عوامی سطح پر معافی مانگنے کے بعد اداکارہ تریشا نے بھی بیان جاری کردیا۔ 

اداکارہ تریشا نے اس معاملے پر اپنے آخری الفاظ کہہ دیا اور ان الفاظ میں انہوں نے شاعر الیگزینڈر پوپ کا شعر لکھا جس کا مفہوم کچھ یوں ہے کہ انسانوں کی طرف غلطیاں کرنا فطری ہے اور انہیں معاف کرنا ضروری ہے۔ 

واضح رہے کہ فلم لیو میں اپنی ساتھی اداکارہ تریشا کرشنن سے متعلق اداکار منصور علی خان نے ایک انٹرویو کے دوران تضحیک آمیز گفتگو کی تھی جس کی ویڈیو وائرل ہوگئی تھی۔

تریشا سے متعلق بیان پر مجھے بھی دکھ ہوا، منصور علی خان

میں اس کیس میں پولیس کے سامنے کسی بھی وقت پیش ہونے کے لیے آمادہ ہوں، منصور علی خان

اس کے ردِعمل میں اداکارہ تریشا کرشنن نے کہا تھا کہ میں منصور کے تبصرے کی سخت الفاظ میں مذمت کرتی ہوں۔ ان کے الفاظ سے عورت کی تضحیک، بےعزتی، بدسلوکی اور نفرت انگیزی کا مظاہرہ ہوتا ہے۔

انہوں نے یہ بھی کہا تھا کہ میں شکرگزار ہوں کہ میں نے ان جیسے شخص کے ساتھ اسکرین پر نہیں آئی اور خواہش ہے کہ ایسا کبھی نہ ہو۔

تنازع بڑھ جانے کے بعد منصور علی خان نے کہا تھا کہ ان کے تبصرے کو سیاق و سباق سے ہٹ کر پیش کیا گیا ہے۔

انہوں نے کہا تھا کہ میں خواتین کی عزت کرتا ہوں۔ کسی نے تریشا کو غصہ دلانے کےلیے غلط انداز میں اس تبصرے کو تریشا کے سامنے پیش کیا ہے۔

اداکارہ تریشا سے متعلق تضحیک آمیز گفتگو منصور علی خان کو مہنگی پڑ گئی

ہم خواتین کی حفاظت اور انکی عزت کےلیے اپنے تمام وسائل بروئے کار لاتے ہوئے لڑ رہے ہیں، رہنما بی جے پی

یہ تنازع اس وقت مزید سنگین ہوا جب بھارتیہ جنتا پارٹی (بی جے پی) اور نیشنل کمیشن برائے خواتین کی رکن خوشبو سندر بھی اداکارہ تریشا کے حق میں بول پڑیں اور اداکار منصور علی خان کے خلاف کارروائی کرنے کا اعلان کیا تھا۔

بعدازاں نیشنل کمیشن برائے خواتین کی ہدایت پر چنئی کی پولیس نے منصور علی خان کے خلاف مقدمہ درج کرلیا تھا۔

دوران تفتیش منصور علی خان نے پولیس سے کہا تھا کہ اگر تریشا کو میرے بیان پر دکھ ہے تو اتنا ہی درد مجھے بھی ہوا ہے۔

انہوں نے پولیس سے تفتیش میں تعاون کا یقین دلایا اور کہا کہ وہ متعلقہ کیس میں پولیس کے سامنے کسی بھی وقت پیش ہونے کےلیے آمادہ ہوں۔

تاہم اب منصور علی خان کی جانب سے اداکارہ تریشا سے متعلق الفاظ پر عوامی سطح پر معافی بھی مانگی گئی ہے۔