انتخابات: خیبر، جنوبی وزیرستان، ہنگو میں جے یوآئی نے کسے ٹکٹ جاری کیے؟

عام انتخابات کے سلسلے میں جمعیت علمائے اسلام (جے یو آئی) ف نے خیبرپختون خواکے اضلاع خیبر، جنوبی وزیرستان اور ہنگو میں پارٹی ٹکٹ جاری کر دیے۔

ترجمان جے یو آئی کے مطابق ضلع خیبر میں جے یو آئی نے پارٹی ٹکٹ جاری کر دیے۔

خیبر کے قومی اسمبلی کے حلقہ این اے 27 اور صوبائی نشست پی کے 70 سے حمید اللّٰہ جان آفریدی جے یو آئی کے امیدوار ہوں گے۔

ایم کیو ایم اورجے یوآئی کا نامزدگی فارم جمع کرنے کی تاریخ بڑھانے کا مطالبہ

متحدہ قومی موومنٹ (ایم کیو ایم) پاکستان اور جمعیت علمائے اسلام (جے یو آئی) نے الیکشن کمیشن سے انتخابات کے لیے نامزدگی فارم جمع کرنے کی تاریخ بڑھانے کا مطالبہ کر دیا۔

پی کے 71 پر مولانا شمس الدین جبکہ پی کے 69 پر مفتی محمد اعجاز امیدوار ہوں گے۔

جنوبی وزیرستان میں جمعیت علمائے اسلام ف کی جانب سے جاری کیے گئے ٹکٹوں کی تقسیم کے حوالے سے اعلامیے میں بتایا گیا ہے کہ این اے 42 کا ٹکٹ سابق ایم این اے مولانا جمال الدین کو جاری کیا گیا ہے۔

جنوبی وزیرستان کے صوبائی حلقے پی کے 109 کا ٹکٹ بریگڈیئر (ر) قیوم شیر محسود کو جبکہ پی کے 110 کا ٹکٹ حاجی نیک محمد وزیر کو جاری کیا گیا ہے۔

ہنگو کے قومی اسمبلی کے حلقے این اے 36 پر جے یوآئی نے مفتی عبید اللّٰہ کو امیدوار نامزد کیا ہے۔

ہنگو کے صوبائی اسمبلی کے حلقے پی کے 93 پر مولانا تحسین اللّٰہ اور پی کے 94 پر حاجی عبدالرحمٰن کو ٹکٹ جاری ہوئے ہیں۔