پشاور ہائیکورٹ کے فیصلے کیخلاف الیکشن کمیشن کی درخواست سماعت کیلئے مقرر

سپریم کورٹ نے پشاور ہائیکورٹ کے فیصلے کیخلاف الیکشن کمیشن کی درخواست کل سماعت کیلئے مقرر کر دی۔

چیف جسٹس قاضی فائز عیسیٰ کی سربراہی میں 3 رکنی بینچ کل سماعت کرے گا، بینچ کے دیگر ارکان میں جسٹس محمد علی مظہر اور جسٹس مسرت ہلالی شامل ہیں۔

الیکشن کمیشن کی جانب سے استدعا کی گئی ہے کہ پشاور ہائیکورٹ کا فیصلہ کالعدم قرار دیا جائے، پی ٹی آئی نے انٹراپارٹی انتخابات الیکشن ایکٹ کے مطابق نہیں کروائے۔

پشاور ہائیکورٹ نے گذشتہ روز پی ٹی آئی کو  بلے کا نشان واپس دینے کا فیصلہ دیا تھا۔