فرمان الہی
نماز کے اوقات
ڈسٹرکٹ اینڈ سیشن کورٹ اسلام آباد نے رضوانہ تشدد کیس میں سول جج عاصم حفیظ کی اہلیہ ملزمہ صومیہ عاصم پر فرد جرم عائد کردی۔
عدالت میں اس کیس کی سماعت سول جج عمر شبیر نے کی جس میں ملازمہ رضوانہ کی والدہ اور ملزمہ صومیہ عاصم اپنے اپنے وکلا کے ساتھ عدالت میں پیش ہوئیں۔
سماعت کے دوران عدالت نے فرد جرم پڑھ کرسنائی جبکہ ملزمہ صومیہ عاصم نے صحت جرم سے انکار کر دیا ہے۔
عدالت نے ملزمہ صومیہ عاصم کے خلاف ٹرائل کا باقاعدہ آغاز کردیا ہے اور اگلی سماعت پر گواہان کو بیان ریکارڈ کروانے کے لیے طلب کرتے ہوئے کیس کی سماعت کو 20 مارچ تک ملتوی کردی۔
یاد رہے کہ صومیہ عاصم پر کمسن ملازمہ رضوانہ پر تشدد کا الزام ہے۔
