سوات: بارات کی گاڑیوں پر فائرنگ، خاتون جاں بحق، دلہن زخمی

سوات میں ایک بارات پر فائرنگ کے نتیجے میں ایک خاتون جاں بحق جبکہ دلہن زخمی ہو گئی۔

فائرنگ کا واقعہ سوات کی تحصیل مٹہ کے علاقے لالکو میں پیش آیا ہے۔

پولیس کے مطابق مسلح شخص نے بارات میں شامل گاڑیوں پر فائرنگ کر دی، پولیس نے مسلح ملزم کو گرفتار کر لیا ہے۔

نوشہرہ: بارات پر فائرنگ، دولہا کے بھائی سمیت 2 افراد جاں بحق، 4 زخمی

پولیس کا کہنا ہے کہ واقعے کا مقدمہ درج کرکے ملزمان کی تلاش شروع کردی گئی۔

جاں بحق خاتون کی لاش اور زخمی دلہن کو مٹہ اسپتال منتقل کر دیا گیا ہے۔

بارات پر فائرنگ کرنے والے ملزم سے پولیس تفتیش کر رہی ہے۔