گزشتہ سال کے دوران کرنٹ اکاؤنٹ سوئچز کی تعداد میں 10 فیصد اضافہ ہوا ہے، نئے اعداد و شمار

لندن (پی اے) پچھلے سال کے دوران کرنٹ اکاؤنٹ سوئچز کی تعداد میں 10فیصد اضافہ ہوا ہے۔ نئے اعداد و شمار سے پتہ چلتا ہے کہ اپریل اور جون کے درمیان کرنٹ اکاؤنٹ سوئچ سروس (کاس) کے ذریعے 313293اکائونٹس سوئچ کیے گئے۔ گزشتہ 12مہینوں کے دوران، سروس نے 1411553 سوئچز کو فعال کیا ہے، جو پچھلے سال کے مقابلے میں 10 فیصد اضافہ کی نشاندہی کرتا ہے۔سوئچنگ کے تازہ ترین اعداد و شمار سے پتہ چلتا ہے کہ نیٹ ویسٹ، رائل بینک آف اسکاٹ لینڈ (آر بی ایس)، ٹی ایس بی اور لائیڈز بنک نے اس سال جنوری اور مارچ کے درمیان سروس استعمال کرنے والے صارفین میں سب سے زیادہ نیٹ سوئچنگ حاصل کی۔نیٹ ویسٹ نے 60497کے ساتھ سب سے زیادہ نیٹ سوئچنگ حاصل کی، اس کے بعدآر بی ایس 13210، ٹی ایس بی 11640اور لائیڈز 11076نے سب سے زیادہ نیٹ سوئچنگ حاصل کی۔ ستمبر 2013میں کاس کے شروع ہونے کے بعد سے مجموعی طور پر 10.9ملین سوئچ ہو چکے ہیں۔ سروس کا مقصد بینکوں کو تبدیل کرنے کی پریشانی کو خود بخود نئے اکاؤنٹ میں منتقل کر کے ادائیگی کرنا ہے۔ اب تک سروس نے 152.7ملین ادائیگیوں کو ری ڈائریکٹ کیا ہے۔ پے ڈاٹ یوکے پروڈکٹ کے مالک،جان ڈینٹری نے کہاکہ کرنٹ اکاؤنٹ سوئچنگ میں مسلسل اضافے کا رجحان اس اہمیت کو واضح کرتا ہے جو صارفین اور کاروبار صحیح بینکنگ پارٹنر تلاش کرنے پر دیتے ہیں۔ اس سہ ماہی کا سوئچنگ ڈیٹا نہ صرف ایک مضبوط اور مسابقتی مارکیٹ کی عکاسی کرتا ہے بلکہ اس اعتماد کی بھی عکاسی کرتا ہے جو آخری صارفین کو کرنٹ اکاؤنٹ سوئچ سروس میں حاصل ہے۔ جیسا کہ برطانیہ کی معیشت بحالی کے آثار دکھاتی ہے، یہ دیکھنا حوصلہ افزا ہے کہ سروس ان لوگوں کے لیے ایک اہم ذریعہ بنی ہوئی ہے جو اپنے کرنٹ اکاؤنٹ کو تبدیل کرنا چاہتے ہیں۔ چاہے وہ افراد ہوں یا چھوٹے کاروبار ی، ایک ایسے عمل کے ذریعے اکاؤنٹس کو تبدیل کرنے کی صلاحیت جو تیز، مفت اور آسان ہے اس بات کو یقینی بناتی ہے کہ ہر کوئی ایک ایسا کرنٹ اکاؤنٹ تلاش کر سکے جو ان کی ضروریات کو پورا کرتا ہو، چاہے وہ کچھ بھی ہو۔