موسیٰ خیل: گاڑیوں سے اتار کر 23 افراد قتل، بسیں، ٹرک جلا دیے گئے

بلوچستان کے ضلع موسیٰ خیل کے علاقے راڑہ شم میں 23 مسافروں کو قتل کر دیا گیا۔

ایس ایس پی موسیٰ خیل ایوب اچکزئی کے مطابق تمام افراد کو ٹرکوں اور مسافر بسوں سے اتار کر فائرنگ کر کے قتل کیا گیا۔

انہوں نے بتایا ہے کہ مسلح افراد نے بین الصوبائی شاہراہ پر ناکہ لگا کر مسافروں کو بسوں سے اتارا۔

اورماڑہ: بس سے اتار کر 14 مسافر قتل

بلوچستان کے ساحلی علاقے اورماڑہ کے قریب مکران...

ایس ایس پی موسیٰ خیل ایوب اچکزئی نے بتایا ہے کہ مسلح افراد نے 10 گاڑیوں کو آگ بھی لگا دی۔

ان کا کہنا ہے کہ پولیس اور لیویز جائے وقوع پر پہنچ گئی ہیں، لاشوں کو اسپتال منتقل کیا جا رہا ہے۔

واضح رہے کہ ضلع موسیٰ خیل بلوچستان کی شمال مشرقی سرحد پر واقع ہے جو خیبر پختون خوا اور پنچاب سے متصل ہے۔