پی ٹی آئی کا 15 ستمبر کو مینار پاکستان پر جلسے کا اعلان

پاکستان تحریک انصاف (پی ٹی آئی) نے 15 ستمبر کو مینار پاکستان لاہور پر جلسہ کرنے کا فیصلہ کیا ہے۔ 

لاہور سے پارٹی ذرائع کے مطابق جلسے کی اجازت کےلیے ضلعی انتظامیہ کو درخواست دے دی گئی۔ 

پارٹی ذرائع کے مطابق درخواست پی ٹی آئی کے سیکریٹری جنرل عمر ایوب کی جانب سے دی گئی ہے۔

واضح رہے کہ تحریک انصاف نے پہلے 27 اگست کو لاہور میں جلسہ کرنے کا اعلان کیا تھا جسے ملتوی کردیا گیا تھا۔ 

پی ٹی آئی رہنما شوکت بسرا کا کہنا تھا کہ 8 ستمبر کے اسلام آباد جلسے کے بعد لاہور میں جلسے کا اعلان کریں گے۔ تحریک انصاف اپنی تمام توجہ اسلام آباد جلسے پر رکھے گی۔