ایف بی آئی نے واقعہ ٹرمپ کے قتل کی کوشش قرار دیدیا

امریکی صدارتی امیدوار ڈونلڈ ٹرمپ کی گالف کلب سے واپسی کے وقت پیش آئے واقعے کو ایف بی آئی نے ٹرمپ کے قتل کی کوشش قرار دیا ہے۔

پام بیچ کے قانون نافذ کرنے والے اہلکار کا کہنا ہے کہ ٹرمپ بندوق بردار شخص سے 400 سے 500 گز کے فاصلے پر تھے، حکام کو AK-47 قسم کا ہتھیار بھی ملا ہے۔

ڈونلڈ ٹرمپ کی گالف کلب سے واپسی کے وقت فائرنگ کا واقعہ

سابق امریکی صدر ڈونلڈ ٹرمپ کے جلسے کے قریب فائرنگ ہوئی ہے۔ خبر ایجنسی کے مطابق ڈونلڈ ٹرمپ فائرنگ سے محفوظ رہے۔

امریکی میڈیا کے مطابق سیکریٹ سروس نے حفاظتی اقدام کے طور پر فائرنگ کی۔

سابق امریکی صدر ٹرمپ کی جانب سے جاری بیان میں کہا گیا ہے کہ میں محفوظ اور بالکل ٹھیک ہوں۔

ڈونلڈ ٹرمپ نے کہا کہ اس قسم کے واقعات میرے حوصلے پست نہیں کرسکتے، میں ہتھیار نہیں ڈالوں گا۔

واضح رہے کہ2 ماہ پہلے 13 جولائی کو ریاست پنسلوانیا کی ریلی میں ٹرمپ پر قاتلانہ حملہ ہوا تھا۔