سونیا گاندھی کیخلاف جملے بازی، کنگنا رناوت کو وارننگ

حال ہی میں سیاست میں قدم رکھنے والی اداکارہ کنگنا رناوت کو انڈین نیشنل کانگریس کی سربراہ سونیا گاندھی کے خلاف جملے بازی کرنے پر وارننگ دے دی گئی۔ 

بھارتی میڈیا کے مطابق کانگریس نے بی جے پی کی رکن پارلیمںٹ کنگنا رناوت کے اس الزام پر سخت ردعمل ظاہر کیا کہ ہماچل پردیش کی کانگریس حکومت نے سونیا گاندھی کو قدرتی آفت کے امدادی فنڈز غیر قانونی طور پر منتقل کیے۔

کنگنا رناوت کے تبصرے بکواس ہیں: پریانکا گاندھی

بھارتی سیاسی جماعت کانگریس کی رہنما پریانکا گاندھی نے حکمراں جماعت بی جے پی کی امیدوار اداکارہ کنگنا رناوت کے تبصروں کو ’بکواس‘ قرار دے دیا۔

ہماچل پردیش کے وزیر برائے تعمیرات عامہ وکرم آدتیا سنگھ نے کنگنا کو وارننگ دیتے ہوئے کہا کہ وہ یا تو اپنے بیان کو واپس لیں یا قانونی کارروائی کا سامنا کریں۔

انکا کہنا تھا کہ اگر کنگنا اپنا بیان واپس نہیں لیتیں، تو ہم ان پر ہتک عزت کا مقدمہ دائر کریں گے۔

کانگریس رہنما نے کہا کہ کس بنیاد پر انہوں نے ایسا الزام لگایا؟ یہ انتہائی بدقسمتی ہے کہ انہوں نے سونیا گاندھی جیسی شخصیت کے خلاف بیان دیا۔

کنگنا رناوت نے راہول گاندھی کو کارٹون دیکھنے والا بچہ قرار دے دیا

حال ہی میں مشہور ٹیلی ویژن شو

انہوں نے مزید کہا کہ یہ ایک احمقانہ بیان ہے کہ مرکز سے آنے والے فنڈز یا ریاستی ترقیاتی فنڈز سونیا گاندھی کو دیے جا رہے ہیں۔

وکرم آدتیا سنگھ کا کہنا تھا کہ میں کنگنا کو چیلنج کرتا ہوں کہ وہ ایک روپیہ بھی منتقل ہونے کا ثبوت پیش کریں یا سونیا گاندھی سے معافی مانگیں۔