کوئٹہ: پولیس موبائل کے قریب دھماکا، 12 افراد زخمی

بلوچستان کے دارالخلافہ کوئٹہ میں پولیس موبائل کے قریب بم دھماکا ہوا ہے۔

پولیس کے مطابق پولیس موبائل کے قریب بم دھماکا مشرقی بائی پاس پر ہوا ہے۔

دھماکا ہوتے ہی پولیس اور قانون نافذ کرنے والے دیگر اداروں کے اہلکار دھماکے کی جگہ پہنچ گئے، جنہوں نے علاقے کو گھیرے میں لے لیا۔

کچلاک: پولیس موبائل کے قریب دھماکا، 2 اہلکار جاں بحق

بلوچستان کے شہر کچلاک میں پولیس کی گاڑی کے قریب دھماکا ہوا ہے۔

پولیس کا کہنا ہے کہ مشرقی بائی پاس دھماکے میں 2 پولیس اہلکاروں سمیت 12 افراد زخمی ہوئے ہیں۔

زخمیوں کو فوری طبی امداد کے لیے سول سنڈیمن اسپتال منتقل کر دیا گیا ہے۔

ریسکیو ذرائع نے بتایا ہے کہ دھماکے کی جگہ کے قریب ایک تباہ موٹر سائیکل پڑی ہوئی ملی ہے۔

پولیس نے کہا ہے کہ بم ڈسپوزل اسکواڈ کو طلب کر لیا گیا ہے، دھماکا خیز مواد موٹر سائیکل میں نصب کیا گیا تھا۔

 دہشتگردوں کو کیفر کردار تک پہنچایا جائے گا: وزیرِ اعلیٰ بلوچستان

وزیرِ اعلیٰ بلوچستان سرفراز بگٹی نے کہا ہے کہ پولیس موبائل پر دہشت گرد حملہ قابل مذمت ہے، دہشت گردوں کو کیفر کردار تک پہنچایا جائے گا۔

سرفراز بگٹی نے متعلقہ حکام کو زخمیوں کو بہتر طبی سہولتیں فراہم کرنے کی ہدایت کرتے ہوئے کہا کہ دہشت گردوں کے خلاف کارروائی جاری رہے گی۔