کراچی: گلی سے بچی کی لاش برآمد، زیادتی کی تصدیق

کراچی کے علاقے فیڈرل بی ایریا بلاک 11 میں گلی سے 3 سال کی بچی کی لاش ملی ہے۔

ریسکیو ذرائع کے مطابق بچی کی شناخت آمنہ دختر عبدالباسط کے نام سے ہوئی ہے، لاش کو اسپتال منتقل کر دیا گیا ہے۔

ایس ایس پی سینٹرل کے مطابق بچی صبح اسکول جانے والے بہن بھائیوں کے پیچھے نکلی تھی جو 7 بج کر 30 منٹ پر گھر سے کچھ فاصلے پر مردہ حالت میں ملی۔

سہراب گوٹھ کراچی سے لاپتہ کمسن بچی سیما کی بازیابی سے متعلق عدالت کا استفسار

سندھ ہائی کورٹ نے کمسن بچی اور دیگر لاپتہ شہریوں کی بازیابی کے لیے مؤثر اقدامات کرنے کا حکم دیتے ہوئے تفتیشی افسران سے پیش رفت رپورٹ طلب کر لی۔

ایس ایس پی سینٹرل ذیشان صدیقی کا کہنا ہے کہ بچی کے گلے میں دوپٹہ لپٹا ہوا تھا جس سے ظاہر ہوتا ہے کہ اسے گلا دبا کر قتل کیا گیا، بچی کی لاش کا پوسٹ مارٹم کرایا گیا ہے۔

ذیشان صدیقی کے مطابق بچی 6 بہن بھائیوں میں سب سے چھوٹی تھی، جس کے والد عمرے کی ادائیگی کے لیے سعودی عرب میں ہیں، گلی میں سی سی ٹی وی کیمرہ نہیں، واقعے کی تحقیقات جاری ہیں۔

پولیس کے مطابق پوسٹ مارٹم رپورٹ میں بچی سے زیادتی کی تصدیق ہوئی ہے، پوسٹ مارٹم کے مطابق بچی کو گلا دبا کر قتل کیا گیا، جائے وقوعہ سے مختلف شواہد اکٹھے کیے ہیں۔