کیا امریکا بڑی جنگ کیلئے تیار ہے؟ امریکی جوائنٹ چیفس آف اسٹاف نے سوال اٹھا دیا

امریکی محکمۂ دفاع پینٹاگون میں مشرقِ وسطیٰ کشیدگی پر گرما گرم بحث ہوئی ہے۔

نیویارک ٹائمز کی رپورٹ کے مطابق امریکی دفاعی حکام نے غزہ کے بعد لبنان پر اسرائیل کے شدید حملوں پر گہری تشویش کا اظہار کیا ہے۔

اسرائیلی فوج کی لبنان میں اقوامِ متحدہ کی امن فوج کے ٹھکانوں پر فائرنگ پر بھی امریکی حکام نے تشویش ظاہر کی ہے۔

غزہ میں لوگ جانوروں کا چارہ کھانے پر مجبور ہیں: برطانوی تنظیم آکسفیم کا انکشاف

برطانوی فلاحی تنظیم آکسفیم کی نمائندہ بشریٰ خالدی نے خبردار کیا ہے کہ غزہ کے محصور شمالی حصے میں حالات اس قدر ابتر ہو چکے ہیں کہ لوگ زندہ رہنے کے لیے جانوروں کا چارہ، گدھے اور گھوڑے کے کھانے پر گزارا کرنے پر مجبور ہیں۔

امریکی فوج کے جوائنٹ چیفس آف اسٹاف کے چیئرمین جنرل چارلس کیو براؤن جونیئر نے پینٹاگون اور وائٹ ہاؤس میں ہونے والی میٹنگوں میں اس مسئلے کو اٹھایا ہے۔

امریکی اخبار کے مطابق خطے میں 2 سے 3 ہزار امریکی فوجی بھیجے جا رہے ہیں، خطے میں امریکی فوج کی بڑھتی ہوئی موجودگی پر پینٹاگون میں امریکی دفاعی حکام کی بیٹھکیں جاری ہیں۔

امریکی دفاعی حکام میں اس بات پر صلح مشورے جاری ہیں کہ کیا امریکا بڑی جنگ کے لیے تیار ہے؟

غزہ: اسرائیلی فضائی حملے: خیموں میں آگ لگنے سے 4 فلسطینی زندہ جل گئے

غزہ کے علاقے دیر البلح میں اسرائیلی فضائی حملے سے الاقصیٰ اسپتال کے باہر خیموں میں آگ بھڑک اٹھی، خیموں میں موجود 4 فلسطینی زندہ جل گئے۔

امریکی حکام کا کہنا ہے کہ کیا امریکی فوج میں چین اور روس کا فوری جواب دینے کی صلاحیت ہے؟

امریکی اخبار کی رپورٹ کے مطابق امریکی اعلیٰ ترین فوجی حکام کے درمیان مشرقِ وسطیٰ تنازع پر قابو پانے اور اسرائیل کی حوصلہ افزائی میں توازن قائم کرنے پر بھی بحث ہوئی ہے۔