غزہ: اسرائیلی فضائی حملے: خیموں میں آگ لگنے سے 4 فلسطینی زندہ جل گئے

غزہ کے علاقے دیر البلح میں اسرائیلی فضائی حملے سے الاقصیٰ اسپتال کے باہر خیموں میں آگ بھڑک اٹھی، خیموں میں موجود 4 فلسطینی زندہ جل گئے۔

عرب میڈیا کے مطابق حملے میں  70 سے زائد فلسطینی زخمی بھی ہوئے ہیں جبکہ تقریباً 20 سے 30 خیمے مکمل طور پر جل کر راکھ ہو گئے۔

فلسطینی محکمۂ اطلاعات کے مطابق مقبوضہ مغربی کنارے کے مختلف علاقوں سے اسرائیلی فورسز نے 17 فلسطینیوں کو حراست میں لے لیا ہے۔

حزب اللّٰہ نے اسرائیلی فوج کے پانچ باقاعدہ انفنٹری بریگیڈز میں سے ایک کو نشانہ بنایا

یہ بریگیڈ انتہائی تربیت یافتہ ہے اور اس کے فوجی جنگی علاقوں میں جاتے ہیں۔ انہیں اسرائیلی فوج کے ایلیٹ یونٹس میں سے ایک سمجھا جاتا ہے۔

نصیرات کے اسکول میں پناہ لیے بے گھر افراد پر اسرائیلی فوج نے ٹینکوں سے گولہ باری کی، اس حملے میں 22 افراد شہید اور 80 زخمی ہو گئے۔

دوسری جانب شمالی غزہ میں 9 روز سے جاری محاصرے کے دوران شہید فلسطینیوں کی تعداد 300 ہو گئی، خوراک، پانی اور دواؤں کی قلت سنگین ہونے لگی۔

اقوام متحدہ کی نمائندے کا کہنا ہے کہ اسرائیل ایک نئی نسل کشی پر اتر آیا ہے۔